Parlamenti i Libanit ka votuar për heqjen e dënimit me vdekje, duke e zëvendësuar atë me burgim të përjetshëm dhe punë të rëndë. Vendimi është miratuar nga shumica e Parlamentit me 128 anëtarë, ndërsa blloku parlamentar i Hezbollahut ka votuar kundër ndryshimit.
Me këtë vendim, Libani bëhet vendi i parë në botën arabe që heq dënimin me vdekje dhe e zëvendëson atë me burgim të përjetshëm dhe punë të rëndë. Ministri libanez i Drejtësisë, Adel Nassar, e ka cilësuar vendimin si një “hap historik” për vendin.
Heqja e dënimit me vdekje është mirëpritur edhe nga organizatat për të drejtat e njeriut, të cilat prej vitesh kanë kërkuar formalizimin e moratoriumit mbi ekzekutimet dhe heqjen e plotë të këtij dënimi. Megjithatë, ende mbetet e paqartë se si do të zbatohet në praktikë dënimi me burgim të përjetshëm dhe punë të rëndë.
Disa deputetë kanë ngritur shqetësime lidhur me mënyrën e zbatimit të dispozitave të reja. Vendimi vjen në një periudhë kur në Liban po zhvillohen diskutime edhe për një ligj të debatueshëm për amnisti të përgjithshme. Sinjali – aty ku e vërteta flet para lajmit!