Gonçalo Ramos është tashmë i karikuar për aventurën e re te Milani. Blerja e madhe e verës së kuqezinjve ka folur drejtpërdrejt nga Indonezia. Sulmuesi portugez ishte një nga protagonistët e prezantimit të fanellës së tretë të Milanit, duke marrë një pritje të ngrohtë nga tifozët e pranishëm. Një entuziazëm që nuk i ka shpëtuar syrit të sulmuesit të ri.
“Është shumë bukur të jesh këtu dhe të ndjesh mbështetjen e tifozëve tanë: është e pabesueshme”, deklaroi Ramos, siç raporton “Sky Sport”. Portugezi më pas tregoi të gjithë dëshirën e tij për të nisur këtë eksperiencë të re: “Mezi pres të luaj dhe të mund të garoj”. Fjalë domethënëse edhe kur flitet për peshën e fanellës kuqezi.
“Është një nga klubet më të mëdha në botë dhe unë dua vetëm të luaj”, shtoi sulmuesi. Ramos paraqitet, pra, me entuziazëm dhe pritshmëri të mëdha. Milani ka investuar fort tek ai për të udhëhequr repartin e ri ofensiv, duke derdhur në arkat e PSG-së 70 milionë euro, dhe tani do t’i takojë fushës të japë përgjigjet e para.