Forcat izraelite kanë arrestuar 60 palestinezë në kampin e refugjatëve Qalandiya, gjatë ditës së dytë të një operacioni të vazhdueshëm në Bregun Perëndimor të pushtuar. Sipas Shoqatës së të Burgosurve Palestinezë, në mesin e personave të arrestuar dhe të marrë në pyetje kishte edhe gra dhe fëmijë.
Në deklaratë thuhet se bastisjet janë shoqëruar me rrahje, frikësim dhe përdorim të dhunës gjatë marrjes në pyetje. Po ashtu, forcat izraelite dyshohet se kanë larguar banorë nga shtëpitë e tyre dhe kanë dëmtuar prona e sende personale.
Ndërkohë, Shoqata e Gjysmëhënës së Kuqe të Palestinës ka njoftuar se të paktën 16 palestinezë janë plagosur gjatë bastisjeve të zhvilluara në kamp gjatë dy ditëve të fundit. Sinjali – aty ku e vërteta flet para lajmit!