Një 20-vjeçar ka përfunduar në duart e njësisë së Antidrogës në Gjakovë, pasi gjatë një kontrolli policor iu gjet një sasi e substancës së dyshuar narkotike të llojit marihuanë. Sinjali mëson se i dyshuari është Gert Bakalli, rreth 20-vjeçar.
Sipas burimeve, rasti ka ndodhur në orët e para të mëngjesit të 1 gushtit, rreth orës , në rrugën “Ismail Qemali” në Gjakovë, ku hetuesit e Drejtorisë për Hetimin e Trafikimit me Narkotikë (DHTN) kanë ndaluar të riun për kontroll.
Gjatë kontrollit, policët kanë gjetur dhe sekuestruar 1 gram substancë të dyshuar narkotike të llojit marihuanë, e cila është marrë në cilësinë e provës materiale. I dyshuari është shoqëruar në zyrat e DHTN-së, ku është intervistuar lidhur me rastin.
Me urdhër të Prokurorit të Shtetit, është iniciuar rasti për veprën penale “Posedim i paautorizuar i narkotikëve, substancave psikotrope dhe analoge”, ndërsa Gert Bakalli është liruar në procedurë të rregullt. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!