Kampioni i Anglisë, Arsenali, pritet të bëjë një “pazar” të madh te Real Madridi, pasi Vinicius Junior nuk është objektivi i vetëm i klubit londinez në këtë afat kalimtar të verës. Sipas gazetarit të ESPN, Alex Kirkland, përmes CaughtOffside , Arsenali po ndjek në mënyrë aktive edhe një tjetër futbollist të Real Madridit, përveç objektivit kryesor, Vinicius Junior.
Kirkland zbuloi në kanalin e Charles Watts në YouTube se kolegu i tij, Rodra, ka konfirmuar se lista e ngushtë e transferimeve të “Topçinjve” përfshin edhe një yll tjetër të klubit nga “Santiago Bernabeu”. Ndër emrat që përmenden si objektiva të mundshëm janë talentët e rinj Arda Guler dhe Endrick.
Megjithatë, ylli turk ka sinjalizuar më herët dëshirën e tij për të qëndruar te Real Madridi, pavarësisht interesimit të Arsenalit. Situata e Endrick mbetet disi më e pasigurt, për shkak të konkurrencës së fortë në repartin ofensiv të Real Madridit, duke e bërë atë një kandidat të besueshëm për një transferim.
Si alternativa të tjera përmenden edhe mesfushorët Federico Valverde dhe Aurelien Tchouameni, veçanërisht pas raportimeve për mosmarrëveshje në stërvitje mes tyre gjatë sezonit të kaluar. Megjithatë, me Arsenalin që po avancon në bisedimet për Bruno Guimaraes të Newcastle, një lëvizje për një sulmues si Endrick ose Arda Guler duket më e mundshme.
Sinjali – aty ku e vërteta flet para lajmit!