Nënkryetari i Aleancës, Besnik Tahiri ka thënë se në mbledhjen e partive me kryetaren e Kuvendit Albulena Haxhiu ka adresuar dy çështje. Sipas tij, Kuvendi duhet të konstituohet menjëherë pasi që ka katër javë që është certifikuar rezultati i zgjedhjeve të 7 qershorit.
“Është e pakuptueshme për ne që për katër muaj ditë sa kemi ndejtë në Kuvend, gishti i është adresu opozitës për moskonstituim të institucioneve.”- tha Tahiri. Si çështje të dytë e shqetësim ka thënë Tahiri se ngriti se kur duhet të konstituohet Kuvendi. “Nuk duhet të bëhen lojëra dhe nuk duhet të shtyhet konstituimi më larg se më datën 7 gusht.”- tha Tahiri.
Interpretimet për një afat 30 ditor ai tha se e dëmton Kosovën. Ai shtoi se zgjatja e procesit lidhet me qëllime zgjedhore për një cikël të ri zgjedhor. Duke folur për një bashkëpunim të mundshëm me LVV-në për formim të instituconeve, Tahiri tha se nëse nuk merren parasysh gjashtë kërkesat e tyre ata nuk votojnë, por kërkesat janë pa marrë hise në qeveri.
“Ne nuk bëhemi vegël se nuk jemi vegël. Se nga një parti që nuk u thirr në takime, u bëmë parti e respektuar. Ne kemi qartësi në kursin tonë politik, për Kosovën e jo për partinë. Nëqoftëse nuk e përfillin, ia pafshin hajrin.”- tha Tahiri. Tahiri ka shtuar se Kosova të shkoj nga një cikël zgjedhor në tjetrin, është e rrezikshme.
Kryetari i Aleancës, Ardian Gjini, më ka njoftuar se nuk e sheh të arsyeshëm takimin me kryetarin e Lëvizjes Vetëvendosje, Albin Kurti. Në përgjigjen e kthyer Kurtit, Gjini ka thënë se Aleanca është e gatshme pa kushte ose kërkesa vetjake të ndihmojë në bërjen e kuorumit për zgjedhjen e presidentit nëse mandatari për krijimin e Qeverisë i pranon gjashtë pikat e ofertës së tyre.
Aleanca ka kërkuar që institucionet e reja të pranojnë menjëherë projektin e gazsjellësit amerikan, të nisin procedurat për ndërtimin e një termocentrali të ri me qymyr, të rrisin pragun e TVSH-së nga 30 mijë në 100 mijë euro, të bëjnë lirimin e tokave të punuara nga tatimi në pronë për të nxitur bujqësinë, të bëjnë buxhetimin e plotë të rrugëve për Gjilanin, Pejën, Gjakovën, Mitrovicën dhe Podujevën, si dhe për Prishtinën të ndahen nga 800 milionë deri në 1 miliard euro investime në infrastrukturë.