Pas shkatërrimeve të mëdha të luftës, bletarët në Rripin e Gazës po përballen me sfida të jashtëzakonshme për të vazhduar aktivitetin e tyre, ndërsa mungesa e tokave bujqësore dhe bimësisë po rrezikon mbijetesën e bletëve.
Shumë prej tyre janë detyruar t’i vendosin kosheret në çatitë e ndërtesave të dëmtuara, ndërsa për shkak të mungesës së luleve dhe pemëve, po përdorin ushqim shtesë për të mbajtur gjallë kolonitë e bletëve.
Bletarët thonë se rikthimi në punë pas armëpushimit është shumë më i vështirë sesa kishin menduar, pasi shumica e pajisjeve dhe koshereve janë shkatërruar, ndërsa qasja në shumë zona bujqësore mbetet e pamundur.
Sipas ekspertëve lokalë, lufta ka goditur rëndë sektorin e bletarisë në Gaza, duke lënë mijëra koshere të shkatërruara dhe duke rrezikuar një aktivitet që për shumë familje përbënte burimin kryesor të të ardhurave. Sinjali – aty ku e vërteta flet para lajmit!