Shpërndaje në: Anthony Fauci, ish-zyrtari më i lartë i shëndetësisë në SHBA, ka refuzuar t’u përgjigjet pyetjeve gjatë një seance të tensionuar dëgjimore në Senatin amerikan mbi origjinën e Covid-19, duke thënë se kishte frikë se republikanët do të përpiqeshin ta përdornin dëshminë e tij për ta ndjekur penalisht për dëshmi të rreme, raporton “BBC”.
Ai u mbështet në Amendamentin e Pestë të Kushtetutës së SHBA-së, i cili thotë se askush nuk mund të “detyrohet në asnjë çështje penale të jetë dëshmitar kundër vetes”. Të kundërshtonte veten nën betim mund të ishte ligjërisht e rrezikshme për të. Fauci vuri në dukje se kishte dëshmuar për Covidin dhe origjinën e tij në disa seanca dëgjimore të Kongresit.
Republikanët e kanë akuzuar prej kohësh Faucin se ka fshehur informacione për pandeminë nga publiku dhe se ka gënjyer për rreziqet e saj. Ai i ka mohuar keqbërjet. Fauci i ka quajtur më parë akuzat kundër tij “thjesht qesharake” në dëshmitë e tij para ligjvënësve.
Edhe Botë 2 mar 2026 Trumpi thotë se “vala e madhe” e sulmeve ndaj Iranit s’ka nisur ende “Edhe pse më dhemb ta bëj këtë për shkak të respektit që kam për degën legjislative… me këshillën e avokatëve të mi, do të ushtroj të drejtën time sipas Amendamentit të Pestë të Kushtetutës për të mos iu përgjigjur pyetjeve tuaja”, tha Fauci, 85 vjeç, ish-drejtues i Institutit Kombëtar të Alergjisë dhe Sëmundjeve Infektive (NIAID), në seancën dëgjimore të mbajtur të mërkurën.
Përdorimi i Amendamentit të Pestë nuk është pranim faji. Ai është krijuar për të mbrojtur individët nga detyrimi, gabimet dhe zhvendosja e padrejtë e barrës së provës.
Ndonëse atij iu dha një falje paraprake nga ish-presidenti Joe Biden, duke e mbrojtur nga ndjekja penale federale për veprimet e tij gjatë viteve 2014–2025, Fauci mund të përballet ende me akuza për çdo veprim pas asaj date, përfshirë veprimet e tij ndaj komitetit të Senatit. Ai gjithashtu mund të përballet me akuza në nivel shtetëror ose lokal.
Në deklaratën e tij para Komitetit të Senatit për Sigurinë Kombëtare të mërkurën, Fauci tha se senatori republikan Rand Paul, i cili drejtoi seancën, kishte një “obsesion të dukshëm” për ta ndjekur penalisht dhe se kjo e kishte çuar Faucin të refuzonte t’u përgjigjej pyetjeve.
“I vetmi përfundim që mund të nxjerr është se arsyeja e vetme pse ai më ka thirrur para këtij Komiteti është që të më bëjë të them diçka – çfarëdo qoftë – që mund të justifikojë premtimet e tij të përsëritura publike se do të përfundoj, sipas fjalëve të tij, ‘prapa grilave’”, tha Fauci.
Paul, i cili kishte punuar si kirurg okulist para se të hynte në Kongres, vazhdoi ta pyeste Faucin pavarësisht refuzimit të tij për t’u përgjigjur. Senatori nga Kentucky e ftoi vazhdimisht Faucin të “kërkonte falje” dhe tha se Komiteti do të votojë javën e ardhshme për një rezolutë që e shpall Faucin në mospërfillje të Kongresit.
Më herët gjatë kësaj jave, Paul publikoi shënimet personale të Faucit gjatë pandemisë, në të cilat ai shkruante për origjinën e Covidit. Këto shënime tregojnë se në fillim të pandemisë ai ishte i hapur ndaj dy teorive të mundshme për origjinën e Covidit – përfshirë origjinën natyrore dhe rrjedhjen nga laboratori – përpara se të dukej se u bind më shumë se virusi kishte origjinë natyrore.
Edhe Botë 9 o. më parë Komandanti amerikan paralajmëron trupat se videot e tyre po i shërbejnë Iranit Në një shënim të shkurtit 2020, ku diskutonte një konferencë telefonike me shkencëtarët e Covidit, Fauci shkruan se mjekët nuk kishin “pajtim të plotë” për vendin nga kishte ardhur virusi.
Më vonë ai shkruan se “është pothuajse i sigurt se virusi evoluoi natyrshëm nga kalimi midis specieve, megjithëse… mbaj një mendje të hapur për mundësinë e një rrjedhjeje nga laboratori”. “Vetëm sepse dy alternativa janë të mundshme, nuk do të thotë se ato janë njësoj të mundshme”, shkroi Fauci.
Vendimi i tij për të mos dëshmuar i zemëroi republikanët, përfshirë senatorin Ron Johnson, i cili i tha Faucit se planifikon të kërkojë thirrjen e tij me detyrim, për ta detyruar t’u përgjigjet pyetjeve të ligjvënësve. Pas përfundimit të seancës, Prokurori i Përgjithshëm i Floridës, një republikan, tha se do të hapte një hetim ndaj Faucit.
Ndërkohë, disa demokratë dolën në mbrojtje të Faucit, përfshirë senatoren Maggie Hassan, e cila tha se seanca dëgjimore ishte “projektuar për ta futur në grackë”. Fauci është përballur me kërcënime me vdekje gjatë dhe pas pandemisë së koronavirusit. Presidentin amerikan Donald Trump vitin e kaluar ia hoqi mbrojtjen e sigurisë.
Edhe Botë 11 o. më parë Franca dhe Spanja vazhdojnë të luftojnë me zjarret Ish-zyrtari më i lartë i Shëndetësisë ishte një nga anëtarët më të besuar të Qeverisë amerikane gjatë pandemisë, ndërsa shkencëtarët po përpiqeshin të mësonin sa më shpejt për virusin. Ai nuk ka qenë gjithmonë në konflikt me presidentin aktual të SHBA-së.
Në vitin 2021, Trump i dha Faucit një vlerësim presidencial për punën e tij në projektin amerikan të vaksinës kundër Covidit, i njohur si Operation Warp Speed.