Dinamo do të përforcohet me mbrojtësin qendror Imran Fetai. Reprezentuesi i Maqedonisë së Veriut largohet nga Shkëndija dhe transferohet në Rumani. Ky është i pari nga katër transferimet që Dinamo pritet t’i realizojë në periudhën e ardhshme. Fetai ka arritur marrëveshje me klubin dhe zyrtarizimi pritet të bëhet së shpejti, sipas “prosport.ro”.
Ai zhvilloi gjithsej 44 ndeshje me fanellën e Shkëndijës, gjatë të cilave shënoi 2 gola dhe regjistroi 2 asistime. Gjatë karrierës së tij ka luajtur edhe për Tikveshin dhe Besën 1976. Ky do të jetë përjetimi i tij i parë jashtë vendlindjes, ndërsa sipas faqes së specializuar Transfermarkt, vlera e tij në treg vlerësohet në 700.000 euro.
Pritet që Fetai t’i bashkohet menjëherë ekipit sapo të përfundojnë të gjitha procedurat dhe formalitetet që lidhen me kontratën.