LeBron James tashmë është zyrtarisht lojtar i Philadelphia 76ers. Sfida e vërtetë tani është se si do të bashkëjetojnë në të njëjtën skuadër kaq shumë lojtarë që kërkojnë topin dhe janë të aftë të shënojnë. Pikërisht për këtë arsye, sipas gazetarit të njohur të NBA-së, Shams Charania, LeBron mund të shndërrohet në dirigjentin e lojës, duke krijuar balancën e nevojshme mes yjeve të ekipit.
Aftësitë e James si organizator nuk janë aspak të reja. Që nga sezoni i tij debutues në NBA, ai ka treguar vizion dhe inteligjencë të jashtëzakonshme në ndërtimin e aksioneve. Në karrierë ai ka një mesatare prej 7.4 asistimesh për ndeshje, por ideja është që këtë herë të luajë pothuajse ekskluzivisht si organizator, ashtu si në sezonin 2019- 2020 me Lakers.
Atë vit ai udhëhoqi të gjithë NBA-në me 10.2 asistime për ndeshje, rekordi personal i karrierës së tij, ndërsa Lakers fituan titullin kampion dhe LeBron u shpall MVP i finaleve. Vetë James e ka bërë të qartë se arsyeja kryesore që zgjodhi Sixers ishte dëshira për të fituar edhe një titull tjetër. Ai deklaroi se është i gatshëm të punojë fort dhe të sakrifikohet për ekipin.
Kjo “sakrificë” mund të përkthehet në një rol më pak të përqendruar te pikët personale dhe më shumë në shërbim të skuadrës, duke krijuar mundësi për shënues si Tyrese Maxey, Jaylen Brown, Joel Embiid dhe talentin e ri VJ Edgecombe.