Roberto Mancini do të rikthehet në krye të Kombëtares së Italisë, sipas burimeve të ANSA-s, pasi presidenti i Federatës Italiane të Futbollit (FIGC), Giovanni Malago, e ka konfirmuar lajmin gjatë mbledhjes së këshillit të federatës. Për 60-vjeçarin do të jetë mandati i dytë në stolin e “Azzurrëve”.
Mancini udhëhoqi Italinë drejt triumfit në Euro 2020, por më pas dështoi ta kualifikonte kombëtaren në Kupën e Botës 2022. Në vitin 2023 ai u largua për të marrë drejtimin e Arabisë Saudite, aventurë që nuk rezultoi e suksesshme. Aktualisht, Mancini është pa klub, pasi së fundmi drejtoi ekipin e Al-Sadd në Katar.
Federata Italiane ka vendosur t’i rikthehet Mancinit pas dështimit të emërimit të Andrea Pirlos. 🚨🔵 BREAKING: Roberto Mancini has agreed to become new Italy head coach, here we go! 🇮🇹 New project set to start after president Malagò stopped Pirlo deal at signatures due to his collaboration with Russian brands.
Mancini, back soon. 🔙 pic.twitter.com/mxB4F7s3K0 — Fabrizio Romano (@FabrizioRomano) July 28, 2026 Ish-mesfushori i Milanit dhe Juventusit shihej si favoriti për ta marrë drejtimin e Italisë, pasi Pep Guardiola refuzoi ofertën javën e kaluar.
Megjithatë, sipas raportimeve, presidenti Malago bllokoi emërimin e Pirlos pas polemikave të shkaktuara nga lidhja e tij me kompaninë ruse të basteve Fonbet. Si pasojë e këtij vendimi, drejtori teknik i FIGC-së, Paolo Maldini, dhe këshilltari Leonardo thuhet se kanë dhënë dorëheqjen pas më pak se tre javësh në detyrë.
Ndërkohë, ish-trajneri i Leicester Cityt dhe Romës, Claudio Ranieri, pritet të emërohet drejtor i ri teknik i Federatës Italiane të Futbollit./ Telegrafi