Manchester United ka nisur punën për ndërtimin e skuadrës për sezonin e ardhshëm dhe tashmë ka identifikuar dy objektiva madhorë në merkato: sulmuesin nigerian Victor Osimhen dhe mesfushorin francez Aurélien Tchouaméni. Sipas raportimeve të TEAMtalk, drejtuesit e klubit anglez i konsiderojnë të dy lojtarët si objektiva të ëndrrave për afatin kalimtar të verës.
Osimhen shihet si profili ideal për të përforcuar repartin ofensiv, ndërsa Tchouaméni vlerësohet shumë brenda klubit dhe konsiderohet si futbollisti i duhur për të forcuar mesfushën e “Djajve të Kuq”. Megjithatë, realizimi i këtyre transferimeve pritet të jetë jashtëzakonisht i vështirë.
Raportohet se Galatasaray kërkon plot 150 milionë euro për kartonin e Osimhenit, një shifër që mund të komplikojë seriozisht negociatat. Nga ana tjetër, Real Madrid nuk ka ndërmend të heqë dorë lehtësisht nga Tchouaméni. Mesfushori francez konsiderohet një pjesë e rëndësishme e projektit të madrilenëve dhe klubi spanjoll mbetet i vendosur ta mbajë atë në “Santiago Bernabéu”.
Pavarësisht pengesave, Manchester United vazhdon të monitorojë situatën e të dy lojtarëve dhe mbetet i interesuar për të eksploruar çdo mundësi që mund të hapet gjatë merkatos verore. Nëse klubi anglez arrin të sigurojë qoftë edhe njërin prej këtyre emrave, do të ishte një sinjal i qartë i ambicieve për t’u rikthyer në garën për trofetë më të mëdhenj në futbollin evropian.
Digjet resorti i famshëm në Republikën Domenikane, evakuohen 1700 pushues.