TikTokeri Rasim Avdyli ka publikuar së fundmi në rrjetin e tij social Instagram një pjesë nga një telefonatë me video (videocall) të zhvilluar me personazhin e njohur, Vali Corleone. Në këto pamje, Vali shihet dukshëm i mërzitur dhe i tronditur nga situata e tij e fundit familjare.
Shkaku i kësaj gjendjeje emocionale lidhet direkt me partneren e tij, TikTokeren e njohur Anita Corleone, e cila gjendet prapa grilave. Gjatë bisedës, Rasimi e pyet me shaka e keqardhje: “O Vali, a po qan qeni për Anitën?”, duke iu referuar kafshës shtëpiake që e shoqëronte Valin në ato momente.
Vali nuk ka hezituar të përgjigjet, duke treguar se sa e rëndë është situata edhe për kafshën e tyre: “Po, edhe qeni Safari Corleone po qan për Anitën, ky mundet me dek prej mërzisë”. Më tej, i revoltuar nga vendimi i fundit i drejtësisë, Vali deklaroi se sot kishte pritur lirimin e saj, por kjo nuk ndodhi.
I zhgënjyer nga seanca gjyqësore ku Anitës iu refuzua lirimi, ai shprehi revoltën e tij të hapur duke thënë se është aq i mërzitur sa “s’ka mbetur tjetër veç me kall krejt”. Biseda u përmbyll me një mesazh mbështetës nga Rasim Avdyli, i cili i urooi Anitës lirim sa më të shpejtë nga burgu, ndërsa mbetet për t’u parë se si do të rrjedhin procedurat e mëtejshme gjyqësore për këtë rast.