Kosova ka festuar një tjetër sukses në arenën ndërkombëtare sportive. I riu, Iris Gashi, ka shkruar histori duke fituar medaljen e bronztë në Kampionatin Evropian të Biliardos për grupmoshat U-19, që po zhvillohet në Slloveni.
Me këtë rezultat, ai i ka siguruar Kosovës një nga sukseset më të rëndësishme në këtë sport, pasi u rendit në mesin e katër lojtarëve më të mirë të Evropës në disiplinën 9-Ball. Gashi, i cili përfaqëson klubin “Shooters” nga Prishtina, tregoi paraqitje të shkëlqyera gjatë gjithë kampionatit, duke dëshmuar talent, profesionalizëm dhe përkushtim në garat evropiane.
Medalja e bronztë e fituar në Slloveni konsiderohet një arritje historike për biliardon e Kosovës dhe një dëshmi e zhvillimit të këtij sporti në vend, duke hapur rrugën për suksese të reja në arenën ndërkombëtare.