Presidenti i FIFA-s, Gianni Infantino, do të zhvillojë një vizitë zyrtare në Somali brenda këtij viti, e cila shënon vizitën e parë historike të një kreu të shtëpisë botërore të futbollit në këtë vend. Lajmi është konfirmuar nga Federata Somale e Futbollit pas një takimi mes Infantinos dhe kryetarit të kësaj federate, Ali Abdi Mohamed.
Objektivi kryesor i këtij udhëtimi do të jetë fuqizimi i bashkëpunimit mes palëve, me fokus të veçantë në zhvillimin e infrastrukturës sportive dhe mbështetjen e akademive të të rinjve. Pas më shumë se tri dekadash me probleme politike dhe sfidash të sigurisë, Somalia e sheh futbollin si një mjet kyç për bashkimin shoqëror dhe përmirësimin e imazhit të saj në arenën ndërkombëtare.
Kjo vizitë shihet gjithashtu si një sinjal i fortë besimi ndaj institucioneve sportive vendase, veçanërisht pas përjashtimit të arbitrit somalez Omar Artan nga Botërori për shkak të mospaisjes me vizë nga SHBA-ja.