Mbrojtësi i Napolit, Amir Rrahmani, ka folur për fillimin e aventurës së re me trajnerin Massimiliano Allegri duke e vlerësuar mënyrën e tij të punës dhe marrëdhënien që e ka krijuar me skuadrën. Kapiteni i Kosovës ka theksuar se trajneri italian e ka sjellë një atmosferë pozitive në dhomën e zhveshjes dhe se lojtarët ndihen të lirë për t’i shprehur mendimet e tyre.
“Allegri është një person pozitiv. Me të ndihemi të lirë të komunikojmë, të flasim për çdo gjë dhe kjo është shumë e rëndësishme për një ekip”, është shprehur Rrahmani. Mbrojtësi kosovar, i cili është një nga shtyllat e mbrojtjes së Napolit, beson se eksperienca e Allegrit mund ta ndihmojë ekipin të vazhdojë të luftojë për objektivat më të mëdha.
Rrahmani ka qenë një lojtar i rëndësishëm për klubin italian dhe së fundmi e ka vazhduar bashkëpunimin me Napolin me një kontratë të re deri në vitin 2029. Pas një periudhe të suksesshme me Antonio Conten, Napoli e ka nisur një cikël të ri nën drejtimin e Allegrit, ndërsa Rrahmani mbetet një nga liderët e skuadrës në këtë fazë të re. “Është një trajner me shumë përvojë.
Ai di se si ta menaxhojë grupin dhe të krijojë lidhje me lojtarët . Kjo na ndihmon shumë”, ka përfunduar ai.