Pas qëndrimit para Kryeministrisë dhe marshimit kilometrik nëpër rrugët e Tiranës, protestuesit janë rikthyer në bulevardin “Dëshmorët e Kombit”, ku kanë vijuar me mesazhet e tyre kundër qeverisë. Gjatë protestës dhe marshimit janë dëgjuar thirrje si “Rama, jep dorëheqjen!”, “Ju erdhi fundi!”.
Kujtojmë se gjatë protestës së sotme, aktivistët kanë përsëritur edhe kërkesat e tyre ndaj SPAK-un që të hetojë zyrtarët e lartë. Po ashtu, protestuesit kanë lënë një mesazh gjigant të shkruar në tokë, në sheshin përballë Kryeministrisë, aty ku zhvillojnë çdo ditë tubimet e tyre.
Në shkrimin e madh drejtuar klasës politike, protestuesit kanë vendosur frazën: “Rama-Balluku, SPAK YOU!”, duke iu referuar thirrjeve të tyre për hetime nga SPAK ndaj zyrtarëve të lartë të qeverisë. Në përfundim të protestës, qytetarët kanë deklaruar se do të vijojnë qëndrimin e tyre edhe ditët në vijim, duke e mbyllur tubimin me thirrjen: “Nesër më shumë!”.