Shpërndaje në: Ylli brazilian, Neymar, ka nisur pushimet në Florida pas eliminimit zhgënjyes me Brazilin nga Kupa e Botës. Sulmuesi është parë duke shëtitur së bashku me familjen e tij në “Universal Orlando”, raporton “Daily Star”. Mënyra e lëvizjes së Neymarit tërhoqi vëmendjen e turistëve.
Ish-ylli i Barcelonës dhe PSG-së zgjodhi të përdorë një skuter për të lëvizur nëpër park, duke bërë që shumë të pyesnin veten nëse ai po mbante ndonjë pasojë nga koha në kamp apo thjesht po shmangte vapën e Orlandos. Pamjet ku shfaqet Neymari në Florida vijnë pas eliminimit të Brazilit nga Norvegjia në një të tetën e finales të Kupës së Botës.
Neymar shënoi golin e vetëm ndaj norvegjezëve, por kjo nuk mjaftoi për të parandaluar eliminimin e Brazilit. Edhe Futboll 1 muaj më parë Brazili në pritje të vendimit më të përfolur në prag të Botërorit Pas eliminimit, 34-vjeçari njoftoi tërheqjen nga futbolli ndërkombëtar. Gjatë karrierës me Brazilin, Neymar regjistroi 130 ndeshje.
Ai është golashënuesi më i mirë i të gjitha kohëve me 80 gola.