Policia e Shtetit njofton se një i moshuar i cili ishte duke ruajtur bagëtitë në mal mbi Kalanë e Lezhës, dyshohet se ishte rrëzuar dhe kishte pësuar lëndime, duke e pasur të pamundur lëvizjen. Sipas njoftimit të datës , Shërbimet e Policisë dhe ekipi i urgjencës mjekësore i Spitalit Rajonal të Lezhës i shkuan në ndihmë.
“Pas marrjes së njoftimit se një i moshuar ishte dëmtuar në një zonë malore, mbi Kalanë e Lezhës, shërbimet e Policisë së Lezhës, në bashkëpunim me ekipin e urgjencës mjekësore të Spitalit Rajonal të Lezhës, kanë reaguar menjëherë”- thuhet në njoftim.
Më tej, në komunikatë theksohet se me mbërritjen në vendngjarje, shërbimet e Policisë dhe ekipi i urgjencës mjekësore i Spitalit Rajonal të Lezhës bënë të mundur transportimin e tij në Spitalin Rajonal të Lezhës, për të marrë ndihmën e parë mjekësore.
Policia tregon që për shkak të gjendjes së tij shëndetësore dhe nevojës për trajtim më të specializuar, 71-vjeçari u transportua në Spitalin e Traumës në Tiranë.