Lamine Yamal nuk arriti të shënojë në fitoren e Spanjës ndaj Belgjikës me rezultat 2:1 në çerekfinalen e Kupës së Botës, por sulmuesi i ri nuk e konsideron këtë si shqetësim. Talenti i Barcelonës pranoi se do të dëshironte të gjente rrugën e rrjetës, por theksoi se suksesi i ekipit është shumë më i rëndësishëm sesa statistikat personale.
“Sigurisht që doja të shënoja, por nuk zbres në fushë duke menduar vetëm për golat. Nëse e fitojmë Kupën e Botës, askush nuk do ta kujtojë sa gola i kam shënuar apo sa raste kam humbur. Gjëja më e rëndësishme është që skuadra të dalë fituese”, deklaroi Yamal.
Sulmuesi spanjoll tha se objektivi i tij kryesor është ta ndihmojë ekipin kombëtar të arrijë deri te trofeu më i madh në futboll, duke mos u fokusuar vetëm në arritjet individuale. Ai foli edhe për kritikat rreth numrit të golave të shënuar, duke theksuar se ndikimi i tij në lojë nuk matet vetëm me realizime. “Ne e fituam Kampionatin Evropian edhe pse unë shënova vetëm një gol.
Edhe në këtë Kupë të Botës kam realizuar një. Prandaj, të gjithë mund të jenë të qetë”, tha ylli i Spanjës. Spanja tashmë ka siguruar një vend në gjysmëfinale të Kupës së Botës, ndërsa Yamal mbetet një nga figurat kryesore të skuadrës edhe në moshë shumë të re. Sinjali – aty ku e vërteta flet para lajmit!