Harry Styles përjetoi një nga momentet më prekëse të karrierës së tij gjatë koncertit të fundit të rezidencës rekord në Wembley Stadium, kur motra e tij, Gemma Styles, u ngjit papritur në skenë për t’i bërë një dedikim emocional. Përpara dhjetëra mijëra fansave, Gemma mbajti një fjalim që e la këngëtarin dukshëm të prekur. Jam shumë krenare për ty.
Jo vetëm për këtë sukses, por për njeriun që je, për mënyrën se si i lejon njerëzit të jenë vetvetja dhe për ndikimin që ke pasur te kaq shumë njerëz. Të dua shumë, u shpreh ajo, ndërsa i uroi vëllait të saj për arritjen historike prej 12 koncertesh në Wembley. Pas fjalimit, Harry e përqafoi fort motrën e tij dhe u duk se po luftonte për të mbajtur lotët.
Më pas iu drejtua publikut duke thënë: Duartrokisni për Gemma Styles!-ndërsa turma shpërtheu në ovacione. Mbrëmja kishte edhe një tjetër moment prekës. Në fund të koncertit, Harry bëri homazh për ish-anëtarët e One Direction, duke përmendur Niall Horan, Louis Tomlinson, Zayn Malik dhe të ndjerin Liam Payne. Nuk do të isha këtu pa katër miqtë e mi.
Dua të falënderoj Niall, Louis, Zayn dhe mikun tim të dashur Liam, tha ai, ndërsa në ekran u shfaqën pamje nga ditët e para të grupit, duke emocionuar publikun dhe familjen e Liam Payne, e cila ndodhej mes spektatorëve. Me koncertin e fundit, Harry Styles u bë artisti i parë që realizon një rezidencë prej 12 netësh në Wembley Stadium, duke vendosur një rekord historik për një artist solo.
Turneu i tij “Together, Together” do të vazhdojë tani në Amerikën e Jugut, Amerikën e Veriut dhe Australi.