Presidenti amerikan Donald Trump ka mbajtur një fjalim të gjatë gjatë ceremonive të Ditës së Pavarësisë, ku vlerësoi historinë dhe forcën aktuale të Shteteve të Bashkuara. Duke iu drejtuar turmës, Trump theksoi se vendi po kalon një periudhë të fuqishme zhvillimi, duke deklaruar se “Amerika është më e fortë, më e lirë dhe më e sigurt se kurrë më parë”.
Fjalimi i tij u hap me një koment për vonesat e shkaktuara nga moti i keq, ndërsa ai falënderoi qytetarët për pjesëmarrjen në festimet e 4 Korrikut. Gjatë fjalimit, presidenti amerikan u ndal edhe te historia e vendit, duke kujtuar momentet e shpalljes së pavarësisë dhe duke theksuar rëndësinë e ruajtjes së lirisë.
Ai shfaqi gjithashtu flamuj historikë të Amerikës, duke i cilësuar si simbole të trashëgimisë kombëtare. Trump vlerësoi edhe ushtrinë amerikane, duke thënë se ajo është “më e fortë dhe më e respektuar se kurrë më parë”, ndërsa shtoi se vendi po përjeton një rikthim të “Ëndrrës Amerikane”.
Fjalimi u mbyll me mesazhe optimiste për të ardhmen e Shteteve të Bashkuara, të cilat sipas tij mbeten një “komb fituesish” që vazhdon të forcohet në çdo drejtim. Sinjali – aty ku e vërteta flet para lajmit!