Shpërndaje në: Hajdin Salihu është kthyer te kampionia e Kosovës në futboll, Drita. Klubi i Dritës ka bërë të ditur të premten se Salihu i është bashkuar skuadrës, duke përforcuar repartin e mbrojtjes për edicionin e ardhshëm. 24-vjeçari pjesë e Dritës ishte përgjatë edicionit 2023/24. Ai nga Drita në vitin 2024 u transferua te skuadra ukrainase, LNZ Cherkasy për 250 mijë euro.
Në edicionin e kaluar, ai ishte i huazuar te Polonia e Varshavës. Qendërmbrojtësi pasi e mbylli aventurën te skuadra polake vendosi që të kthehej sërish në futbollin kosovar.
“FC DRITA ka kënaqësinë të ju njoftojë me përforcimin tonë të ri Hajdin Salihu, i cili rikthehet për të veshur sërish fanellën bardhekaltër dhe për të forcuar repartin e mbrojtjes me cilësinë, karakterin dhe përvojën e fituar në arenën ndërkombëtare.Mirë se u ktheve në shtëpi, Hajdin! Le të shkruajmë bashkë kapituj të rinj të historisë së Dritës”, ka shkruar Drita në njoftin.
Salihu ka luajtur edhe për disa skuadra si Lokomotiva e Zagrebit, Laçi e Llapi.