Autoritetet kineze kanë pezulluar përkohësisht operacionet e kërkim-shpëtimit pranë kufirit mes Nepalit dhe Tibetit, për shkak të rrezikut që një liqen i formuar nga grumbullimi i ujit të dalë nga shtrati dhe të shkaktojë përmbytje të reja.
Në Nepal, të paktën 469 persona kanë humbur jetën, ndërsa qindra të tjerë vazhdojnë të rezultojnë të zhdukur, më shumë se 48 orë pas vërshimeve të fuqishme që goditën rajonin malor. Ndërkaq, në Tibet janë raportuar tri viktima dhe mbi 550 persona të zhdukur.
Ekipet e shpëtimit po vazhdojnë kërkimet në zonat ku kushtet e sigurisë e lejojnë, por situata mbetet e rrezikshme për shkak të mundësisë së vërshimeve të tjera. Sipas zyrtarëve lokalë, vala e fuqishme e ujit dyshohet se u shkaktua nga shembja e një akullnaje. Përmbytjet përfshinë shtëpi dhe rrugë, si dhe shkatërruan një pikë të rëndësishme kufitare mes Nepalit dhe Tibetit.
Sinjali – aty ku e vërteta flet para lajmit!