Gjyqtarët serb dhe stafi administrativ i këtij komuniteti të cilët kishin dhënë doreheqje në mënyrë vullnetare në vitin 2022, nuk mund të kthehen përsëri në sistemin Gjyqësor të Kosovës, ndonëse ata kishin kërkuar rikthim pas 4 viteve.
Kjo pasi Këshilli Gjyqësor i Kosovës sot më në mbledhjen e 371-të ka marrë vendim për të refuzuar kërkesën për tërheqje të dorëheqjeve të gjyqtarëve dhe stafit administrativ serb me nëntë vota për, një kundër dhe një abstenim. Emrat e të dorëhequrve dërgohen te ushtruesja e detyrës së presidentes Albulena Haxhiu për lirim nga detyra.
Për këtë vendim ka reaguar edhe ushtruesja e detyrës së presidentës Albulena Haxhiu. Ajo ka thënë se e përshëndet vendimin e Këshillit dhe se në përputhje me përgjegjësitë kushtetuese dhe ligjore, sapo Këshilli Gjyqësor i Kosovës t’i dërgojë propozimet, do të ndërrmarë veprime për lirim nga detyra të tyre.
Edhe Këshilli Prokurorial i Kosovës më ka refuzuar kërkesën e ish-prokurorëve serbë dhe stafit të tyre mbështetës për t’u rikthyer në sistemin prokurorial të Kosovës. https://kallxo.com/lajm/kpk-ja-refuzon-kerkesen-e-ish-prokuroreve-serbe-dhe-stafit-mbeshtetes-per-rikthim-ne-pune