Administrata e Presidentit Donald Trump ka ndërmarrë një tjetër hap drejt rritjes së presionit ekonomik dhe politik ndaj Kubës, duke vendosur sanksione të reja mbi sektorët kyçë të ekonomisë dhe duke shtuar kontrollet ndaj qytetarëve amerikanë që vizitojnë ishullin.
Sanksionet e reja dhe rrjeti i supozuar i ndikimit Departamenti i Thesarit dhe ai i Shtetit njoftuan penalizimin e nëntë kompanive shtetërore në sektorët e minierave, metalurgjisë dhe ndërtimit, si dhe të drejtuesve të Institutit Kuban të Miqësisë me Popujt (ICAP). Përfaqësuesit amerikanë e akuzojnë këtë institut për organizimin e aktivitetit subversive brenda territorit të SHBA-së.
“Administrata Trump nuk do të rrijë duarkryq ndërsa një fuqi e huaj armiqësore kërkon të shfrytëzojë liritë tona duke mashtruar dhe korruptuar qytetarët amerikanë me gënjeshtra, spiunazhi dhe keqbërje të tjera,” deklaroi Sekretari i Shtetit, Marco Rubio.
Aksioni i fundit diplomatik vjen menjëherë pas një operacioni në aeroportin e Miamit, ku disa qytetarë amerikanë u ndaluan përkohësisht dhe iu nënshtruan kontrolleve të pajisjeve elektronike pas pjesëmarrjes në aktivitetet e organizuara në Havana.
Kriza ekonomike dhe bllokada e naftës Masa e re ekonomike vjen në një kohë kur Kuba po përballet me një krizë të thellë energjetike dhe strukturore, e përkeqësuar nga bllokada e furnizimit me naftë e vendosur nga Uashingtoni. Ndërprerjet e energjisë elektrike, mungesa e medikamenteve dhe paralizimi i transportit publik kanë ndikuar drejtpërdrejt në jetën e përditshme të banorëve në ishull.
“Kuba denoncon rregullisht sanksionet e SHBA-së dhe embargon dhjetëravjeçare duke akuzuar administrata të shumta se po synojnë padrejtësisht një komb të varfër dhe popullin e tij vetëm për dallimet ideologjike,” theksohet në raportimet mbi reagimin e Havanës zyrtare.
Sanksionet e reja pritet të shkaktojnë pengesa të mëtejshme financiare për kompanitë e huaja që operojnë në Kubë dhe të kufizojnë edhe më shumë lëvizjen e kapitalit drejt vendit. Sinjali – aty ku e vërteta flet para lajmit!