Besim Brahimi, trajner që ka zbuluar dhe formuar boksierë. Besim Brahimi nuk është pjesë e ekipit të boksit të Kosovës në Lojërave Mesdhetare, sot në për këtë garë janë tre sportistë të cilët ai i ka krijuar dhe i ka punuar që nga mosha 10–12 vjeçare. Kjo nuk është diçka që duhet harruar.
Duhet të kemi më shumë respekt për trajnerët që me vite të tëra punojnë me fëmijë, i edukojnë, i stërvitin dhe i shndërrojnë në sportistë që një ditë përfaqësojnë Kosovën. Por pyetja është, a dimë ne t’i ruajmë dhe t’i vlerësojmë trajnerët tanë? Nuk mund të presim gjithmonë që Besim Brahimi, me mundin, sakrificën dhe punën e tij, të krijojë kampionë dhe pastaj të harrohet kontributi i tij.
Para katër vitesh, në Lojërat Mesdhetare në Algjeri, Besim Brahimi dhe nxënësi i tij i sollën medalje Kosovës. Sot, disa prej sportistëve që ai i ka formuar janë përsëri në arenën ndërkombëtare. Kjo duhet të jetë krenari për boksin e Kosovës, por edhe një mësim: talenti nuk lind vetë, pas çdo kampioni qëndron një trajner, vite pune, sakrificë dhe përkushtim.
Federata dhe institucionet duhet t’i respektojnë e t’i mbështesin trajnerët që po krijojnë gjeneratat e reja, sepse nëse nuk i ruajmë njerëzit që po nxjerrin talentet, rrezikojmë t’i humbim edhe vetë talentet. Kampionët shihen në ring, por puna e trajnerit fillon shumë vite para se ata të ngjiten në ring.