Legjenda e futbollit, Ronaldinho po mendon të investojë në një sport tjetër. Sipas “L’Equipe”, braziliani së bashku me një grup investitorësh nga Andorra po tenton të blejnë klubin e Monacos në basketboll, të cilët po përballen me një krizë të madhe financiare.
Që nga qershori, borxhet e klubit u vlerësuan në 24 milionë euro dhe më 1 gusht, dhoma e apelit e Federatës Franceze të Basketbollit konfirmoi përjashtimin e ekipit nga të gjitha garat kombëtare profesionale për sezonin 2026/27. Klubi tashmë i është drejtuar CNOSF-së — Komitetit Kombëtar Olimpik dhe Sportiv Francez — dhe duhet të paraqesë dokumentet e kërkuara deri më 19 gusht.
Përveç Ronaldinhos, edhe investitorë të tjerë i janë bashkuar garës për të shpëtuar klubin. Megjithatë, në fushë, gjërat nuk mund të dukeshin më mirë për Roca Team: në qershor, skuadra fitoi kampionatin francez në një mënyrë heroike, duke mposhtur Parisin në ndeshjen e pestë vendimtare të finales, dhe në pranverë, ata arritën në çerekfinalet e EuroLeague..