Një incident tragjik ndodhi pranë Liberty Island në New York, kur në rrethana ende të paqarta një anije u përmbys, duke rezultuar në vdekjen e një gruaje 27-vjeçare dhe një foshnje 5-muajshe.
Forcat e Rojës Bregdetare, një ekip zhytësish dhe një ekip ajror nxituan në vendngjarje, ndërsa më parë 12 persona që ndodheshin në të njëjtën anije ishin shpëtuar tashmë nga uji dhe pësuan lëndime të lehta. Megjithatë, gruaja 27-vjeçare dhe vajza pesëmuajshe u gjetën pa ndjenja dhe u dërguan në spital, ku u shpallën të vdekura.
Nuk ishte menjëherë e qartë nëse ato ishin të afërme me njëra-tjetrën. New York Post raporton se gjithsej 14 persona ishin në bordin e anijes 23 metra të gjatë. Operatori i anijes, një banor 46-vjeçar i Manhattanit, identiteti i të cilit nuk është bërë i ditur, përballet me 13 akuza. Hetimet për shkaqet dhe rrethanat e incidentit tragjik janë duke vazhduar.