Presidentja e Komisionit Europian, Ursula von der Leyen, ka bërë thirrje për “veprim të bashkuar” për sigurinë kufitare pas fluksit kaotik të dhjetëra mijëra migrantëve javën e kaluar nga Maroku në enklavën spanjolle të Ceutas, ka raportuar të martën () televizioni britanik, BBC .
Spanja vlerëson se rreth 69 e 500 migrantë janë kthyer tani në Marok, duke tejkaluar vlerësimet fillestare prej 50 syresh. Numri zyrtar i të vdekurve në anën spanjolle të kufirit është 72 persona, me 11 vdekje të raportuara në anën marokene. Ministrat e Brendshëm të BE-së do të zhvillojnë sot bisedime emergjente me anë të videokonferencës për ta diskutuar çështjen.
Skenat në Ceuta kanë tensionuar marrëdhëniet ndërmjet disa prej 27 shteteve anëtare të BE-së. Në një letër drejtuar kryeministrit spanjoll, Pedro Sanchez, Von der Leyen ka vlerësuar “trajtimin e shpejtë” të krizës. Por ajo shtoi: “Nga ky incident, është e qartë se duhet të bëjmë më shumë për të forcuar më tej kufijtë tanë në pikat kritike”.
Në përgjigje të kalimeve në Ceuta, Italia pezulloi përkohësisht marrëveshjen Schengen me Spanjën. Marrëveshja Schengen eliminon kontrollet kufitare dhe tani përfshin më shumë se 450 milionë njerëz dhe 29 vende në Europë. Finlanda dhe Danimarka mbështetën veprimin e Italisë, ndërsa kryeministri çek, Andrej Babis, kërkoi pezullim të përkohshëm të anëtarësimit të Spanjës në Schengen.
Në përgjigje, Sanchez ka deklaruar se kishte “shqetësime serioze” lidhur me disa qeveri europiane dhe theksoi se Ceuta nuk ishte pjesë e zonës Schengen. Ndërsa shumica kishin treguar “mbështetje dhe solidaritet”, ai tha se qeveritë e tjera europiane kishin zgjedhur të sulmonin Spanjën, “të nxitura nga paragjykimet, lajmet e rreme, injoranca ose interesi politik”.
Përgatiti: Rexhep Maloku – Kallxo.com