Dy persona po hetohen nën dyshimin se kanë përdorur armë gjatë ahengjeve familjare në Shtime, ndërsa Policia e Kosovës ka sekuestruar dy armë në dy raste të ndara të raportuara mbrëmjen e 30 korrikut 2026. Sipas njoftimit të Policisë Rajonale të Ferizajt, rasti i parë është raportuar rreth orës në fshatin Petrovë.
Policia ka bërë të ditur se i dyshuari me inicialet L.S., 25 vjeç, ka pranuar se kishte shtënë me armë zjarri dhe u ka dorëzuar zyrtarëve policorë një pistoletë me dy fishekë. Rreth një orë më vonë, në orën , është raportuar rasti i dytë në rrugën “Fazli Grajqevci” në Shtime.
Sipas Policisë, i dyshuari me inicialet E.R., 27 vjeç, ka dorëzuar një armë me gas, e cila dyshohet se ishte përdorur gjatë një ahengu familjar.
Në të dy rastet, me urdhër të prokurorit të shtetit janë iniciuar raste për veprën penale “Mbajtje në pronësi, kontroll ose posedim të paautorizuar të armëve” Armët janë sekuestruar si prova materiale, ndërsa të dyshuarit, pas intervistimit, janë liruar në procedurë të rregullt hetimore.
Policia Rajonale e Ferizajt u ka bërë thirrje qytetarëve që të mos përdorin armë në ahengje familjare apo në rrethana të tjera festive, duke theksuar se përdorimi i armëve rrezikon jetën dhe sigurinë e qytetarëve dhe përbën vepër penale.
Po ashtu, policia ka njoftuar se do të vazhdojë të ndërmarrë masa ligjore ndaj personave që përdorin armë në mënyrë të kundërligjshme dhe ka ftuar qytetarët që raste të tilla t’i raportojnë në numrin emergjent 192 ose përmes aplikacionit “Lajmëro Policinë”.