Kërkimet për 78-vjeçarin Xhafer Raqi, i cili është raportuar i zhdukur që nga fillimi i muajit korrik, do të vazhdojnë edhe gjatë ditës së nesërme. Aksioni do të zhvillohet me kërkesë të Policisë së Kosovës, ndërsa në terren do të angazhohen edhe ekipet e kërkim-shpëtimit për të zgjeruar operacionin në zonat ku dyshohet se mund të ndodhet i moshuari.
Familjarët kanë bërë sërish apel për ndihmën e qytetarëve, duke theksuar se 78-vjeçari vuan nga demenca dhe mund të jetë i çorientuar. Ata kanë kërkuar që kushdo që ka informacion për vendndodhjen e Xhafer Raqit ta lajmërojë menjëherë Policinë ose të kontaktojë familjen në numrin: +383 44 737 900. Operacioni i kërkimit pritet të nisë që në orët e para të mëngjesit.
Sinjali – aty ku e vërteta flet para lajmit!