Shpërndaje në: Një burrë e pështyu kryeministrin e Hungarisë, Peter Magyar, mëngjesin e së martës në stacionin hekurudhor Nyugati në Budapest, teksa ai po ecte së bashku me ministrin e Transportit dhe Investimeve, David Vitezy, për të prezantuar një plan të ri për zhvillimin e hekurudhave. Ngjarja u regjistrua nga kamerat. Burri iu afrua dy politikanëve dhe i tha Magyarit: “Patët guxim?
Guxuat të vini këtu?”, më pas e pështyu nga pas. Magyari iu përgjigj qetësisht: “Të uroj shëndet”. VIDEO: Egy fidesz károsult leköpte a miniszterelnököt❗ Magyar Péter reagált az incidensre.
“Ne keseredjenek el.” pic.twitter.com/oEHK2qYugk — Kun István (@kunpisti) July 22, 2026 Pas incidentit, Magyari u shpreh se sapo kishin parë “një nga fytyrat e mbetura të Fideszit”, partisë që udhëhiqej nga Viktor Orbani, duke shtuar se ndoshta për këtë arsye ish-ministri i Transportit, Janos Lazar, nuk udhëton me tren.
Edhe Botë 2 muaj më parë “Do t’ju vrasim dhe do t’ju djegim shtëpinë”: Inspektorët britanikë nën sulm nga bandat kriminale Pak më vonë, gjatë një konference për media, Magyari u bëri thirrje mbështetësve të mos shqetësohen për incidentin. “Mos u dëshpëroni për atë që ndodhi në stacionin Nyugati”, ka thënë ai.
Sipas tij, njerëzit që sillen në këtë mënyrë duhet të trajtohen me mirëkuptim dhe t’u jepet kurajë e mbështetje. “Qeveria e Tiszas do ta përfaqësojë çdo hungarez. Nuk është faji i tyre që ende mbajnë urrejtje në zemër, por i propagandës që, mes të tjerëve, është ushqyer me para publike nga Janos Lazar”, u shpreh Magyar.
Edhe Botë 2 j. më parë Një burrë nxirret i gjallë nga rrënojat tetë ditë pas tërmeteve në Venezuelë Ai shtoi se incidente të tilla po bëhen gjithnjë e më të rralla në Hungari dhe se vendi po ecën drejt një shoqërie më njerëzore dhe një shteti që funksionon më mirë. Magyar konfirmoi gjithashtu se nuk do të ngrejë padi ndaj burrit që e pështyu.