Për të zbutur ndikimin e krizës globale të naftës, Qeveria e Malit të Zi ka ndërhyrë me një ulje të përkohshme të akcizës së karburanteve, duke shmangur kështu një valë të re shtrenjtimesh për qytetarët. Nafta: Zbret në 1,65 euro për litër, duke shmangur parashikimin që do ta çonte në 1,81 euro. Ky çmim është gjithashtu 2 cent më i lirë se niveli i mëparshëm.
Eurosuper 98: 1,68 euro/litër Eurosuper 95: 1,64 euro/litër Vendimi i bazuar në analizat e Ministrisë së Financave synon të mbrojë buxhetin e familjeve, të ulë presionin e inflacionit dhe t’u vijë në ndihmë bizneseve vendase. Autoritetet malazeze vunë inxhinierinë financiare në lëvizje për shkak të çrregullimeve në tregun ndërkombëtar dhe tensioneve gjeopolitike në Lindjen e Mesme.
Nga ana tjetër, qeveria theksoi se këto ndërhyrje duhet të maten me kujdes, veçanërisht gjatë sezonit turistik, kur konsumi rritet ndjeshëm nga vizitorët e huaj. Prioritet i fondeve publike mbetet mbështetja e sektorëve jetikë si shëndetësia, arsimi, pensionet dhe infrastruktura.
Autoritetet bënë me dije se situata do të monitorohet nga afër dhe nuk përjashtohen ndërhyrje të reja nëse buxheti dhe kushtet fiskale do ta lejojnë.