Një sulm me raketa ruse ndaj një anijeje që transportonte misër pranë portit jugor të Odesës në Ukrainë ka lënë të vdekur 10 persona. Sipas zyrtarëve ukrainas, anija “Golden Leo”, me flamur të Guinea-Bissau, u godit të dielën me tri raketa lundrimi, duke shpërthyer në flakë. Marina ukrainase bëri të ditur se ekuipazhi i anijes përbëhej nga shtetas të Indisë dhe Sirisë.
Autoriteti portual i Ukrainës njoftoi se operacioni i kërkim-shpëtimit vazhdoi gjatë gjithë natës. Si pasojë e sulmit, nëntë anëtarë të ekuipazhit dhe një pilot detar humbën jetën, ndërsa tetë nga 17 anëtarët e ekuipazhit u shpëtuan. Një dëshmitar i Reuters në Odesa pa tym duke u ngritur nga anija pranë bregut, ndërsa agjencia konfirmoi se bëhej fjalë për “Golden Leo”.
Ky konsiderohet sulmi më vdekjeprurës në kuadër të përshkallëzimit të dhunës në Detin e Zi gjatë javëve të fundit. Sinjali – aty ku e vërteta flet para lajmit!