Shpërndaje në: Kupa e Botës ishte shfaqja më e madhe globale e futbollit deri më tani. Finalja e së dielës ishte ndeshja e 104-t. Për Ferran Torresin, Botërori mund të jetë dukur edhe më i gjatë.
Torres duhej të priste deri në minutën e 106-t të finales për të shijuar momentin e tij. 26-vjeçari konkretizoi rastin dhe udhëhoqi Spanjën drejt fitores 1:0 ndaj Argjentinës në finalen e së dielës mbrëma. Për Spanjën është titulli i dytë në histori. Torres filloi në ndeshjen e parë të Spanjës, që përfundoi me barazim dëshpërues pa gola me Kepin e Gjelbër.
E humbi vendin e tij si startues për ndeshjen e dytë, ndaj Arabisë Saudite. Spanja fitoi 4:0 dhe gjeti ritmin e duhur për suksesin që pasoi. Ndaj arabëve, Spanja fitoi lehtë, por imazhi që mbeti ishte i Torresit të frustruar. Ai shënoi gol në minutat shtesë, por që u anulua për pozitë jashtë loje.
Kamerat televizive u përqendruan te zëvendësuesi dhe fjalët në buzët e tij ishin qartë të lexueshme: “Le të jetë gol, le të jetë gol”. Edhe Botë 3 muaj më parë Afatet e shtyra të Trumpit për hapjen e Ngushticës së Hormuzit Asgjë e pazakontë që një sulmues të ankohet kur një gol anulohet. Por rezultati ishte 4:0 tashmë dhe ky veprim tregonte shumë.
Ndër të tjera që gjërat nuk po shkonin mirë për lojtarin ofenziv që në nivel klubesh paraqitet për Barcelonën. Torres nuk ishte në formën më të mirë. Barazimi pa gola kishte lënë gjurmët e tij, pasi ai humbi vendin e startuesit për këtë Botëror. Ndaj Arabisë Saudite nuk e gjeti ritmin. Loja e spanjollëve ishte e rrjedhshme, por jo për Torresin.
Sulmuesi ka sy të mprehtë për gol, por frustrohet nga performancat e dobëta dhe humbja e rasteve të pastra. Udhëtimi i tij në Botëror megjithatë ia vlejti. Goli i fitores në finale, për më tepër në vazhdime, do të mbetet gjithmonë i gdhendur në kujtesën e tiofzëve spanjollë. Natyrisht, nuk ishte kontributi i vetëm i Torresit në ngjarjen në SHBA, Kanada dhe Meksikë.
Torres luajti rol vendimtar edhe në fitoren e minutës së fundit ndaj Portugalisë. Ai asistoi për Mikel Merinon që shënoi golin që e dërgoi Spanjën në çerekfinale. Edhe Botë 10 muaj më parë Guterres pas raportit të IPC-së: Uria në Gazë është dështim i vetë njerëzimit “Goli është gjëja më e vogël nga të gjitha. Është fitore për 47 milionë spanjollë.
E meritonim, dhamë gjithçka”, tha Torres menjëherë pas ndeshjes finale. Gjatë asaj interviste, Torres nuk i la ditët e vështira të kalonin pa u kushtuar vëmendje. Edhe në mes të festimeve ai reflektoi mbi fillimin jo të mirë të turneut. “Ishte një lehtësim i madh. Mendoj se jam përballur me shumë kritika gjatë Kupës së Botës. Por besoj se fati është i shkruar.
Zoti gjithmonë më ka dhënë forcën për të vazhduar, dhe në fund, siç them, Zoti u jep gjëra atyre që meritojnë më shumë”, ka shtuar heroi i ri spanjoll. Torres tani është pjesë e një grupi me vetëm dy lojtarë spanjollë që kanë shënuar gola fitues në Kupën e Botës. Andres Iniesta është lojtari tjetër në këtë grup. Torres njihet si lojtar shumë i vendosur. Ai thjesht vazhdon para.
Edhe Botë 10 min. më parë Ukraina lëshon mbi 400 dronë drejt Moskës teksa Zelensky përballet me protesta Mund të mos jetë lojtari më i talentuar teknikisht dhe trajnerët shpesh e kanë parë si lojtar që ndryshon lojën e jo si shtyllë kryesore. Por finalja përmbledh atë që Ferran Torres ofron si lojtar: lëvizje, zgjuarsi, gola.
Ai është tip i lojtarit që gjen rrjetën pasi nuk ndalet asnjëherë duke kërkuar golin. Dhe në një finale të tensionuar dhe që për Spanjën dukej se nuk do të përfundonte kurrë, shpërblimi i tij erdhi në momentin më të mirë.