Një 27-vjeçar nga Gjakova dyshohet se ka shkelur urdhrin mbrojtës të lëshuar nga Gjykata, duke iu afruar dhe shqetësuar ish-bashkëjetuesen e tij, për çka tashmë po hetohet për dy vepra penale, raporton Sinjali. Sinjali mëson ekskluzivisht se bëhet fjalë për Flamur Morinën , 27 vjeçar, ndërsa viktimë është T. B. 31 vjeçar.
Sipas burimeve të Sinjalit, ngjarja ka ndodhur më 19 korrik, rreth orës , në rrugën “Marin Barleti” në Gjakovë. Viktima ishte duke qëndruar në një lokal, ndërkohë që ndaj të dyshuarit ishte në fuqi një urdhër mbrojtjeje i lëshuar nga Gjykata, i cili ia ndalonte çdo kontakt dhe shqetësim ndaj saj.
Megjithatë, sipas informacioneve që posedon Sinjali, Flamur Morina, i cili dyshohet se ishte në gjendje të dehur, ka shkuar në lokalin ku ndodhej viktima dhe e ka shqetësuar, përpara se të largohej nga vendi i ngjarjes. Fatmirësisht, nuk ka pasur kontakt fizik mes palëve. Viktima ka refuzuar strehimin, duke deklaruar se nuk e sheh të nevojshëm një veprim të tillë.
Me urdhër të Prokurorit të Shtetit, rasti është iniciuar për veprat penale “Mospërfillja e gjykatës” dhe “Dhunë në familje”. Burimet e Sinjalit bëjnë të ditur se Flamur Morina ende nuk është lokalizuar dhe ndodhet në arrati, ndërsa Policia po vazhdon veprimet për arrestimin e tij.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!