Rritja e temperaturave ka shtuar edhe rrezikun nga ushqimet e pasigurta. Qendra e Konsumatorëve Shqiptarë bën të ditur se vetëm gjatë kësaj periudhe janë regjistruar 261 ankesa, ku pjesa më e madhe lidhet me raste të dyshuara të kontaminimit të ushqimeve.
Hasan Stafa, drejtor i Qendrës së Konsumatorëve Shqiptarë, bën me dije se më problematike mbeten produktet që tregtohen pa kushte të përshtatshme ruajtjeje. Sipas Stafës, nga rastet e raportuara, 13 persona kanë përfunduar në spital me helmime të rënda.
Stafa ngre shqetësimin edhe për mungesën e kontrolleve ndaj tregtarëve ambulantë, të cilët në shumë raste ushtrojnë aktivitet pa licencë, pa librezë shëndetësore dhe pa respektuar standardet e higjienës.
Burimi:
Bota Sot