Presidenti i Shteteve të Bashkuara, Donald Trump, i është bashkuar kritikave ndaj taktikës së Anglisë në humbjen ndaj Argjentinës në gjysmëfinalen e Kupës së Botës, duke vënë në pikëpyetje rolin “mbrojtës” që Harry Kane pati në pjesën e dytë të ndeshjes.
Vendimet e trajnerit Thomas Tuchel për zëvendësimet në pjesën e dytë janë kritikuar nga analistët dhe tifozët pas humbjes 2:1, ndërsa Argjentina shënoi dy gola në minutat e fundit për të siguruar kualifikimin në finalen ndaj Spanjës.
BBC Sport raportoi të enjten se një numër lojtarësh kyç të Anglisë kishin mbetur të pakënaqur me mënyrën se si u udhëzuan ta mbyllnin ndeshjen, pasi kishin kaluar në epërsi me golin e Anthony Gordon.
Në minutat e fundit të takimit, Tuchel riktheu ekipin në një skemë me pesë mbrojtës dhe bëri disa zëvendësime me prirje mbrojtëse, ndërsa Lionel Messi udhëhoqi rikthimin dramatik të Argjentinës. “Ju keni një lojtar të madh në Angli, me të cilin kam luajtur golf. Dhe ai është Harry Kane, i cili ka qenë fantastik” – tha Trump. “Mendoj se ndoshta bënë gabim kur e vendosën në një rol mbrojtës.
Çfarë di unë për futbollin? Ata kaluan në epërsi dhe lojtarin e tyre më të mirë e kthyen në mbrojtje” – tha Trump. “Duhet të jemi pak më sulmues, apo jo? Por nuk dua të bëj trajnerin, çfarë di unë për stërvitjen? Megjithatë, kjo ishte paksa e pazakontë.”/ BBC