Zëvendësministri i Punëve të Jashtme i Iranit, Kazem Gharibabadi, ka bërë të ditur se Teherani ka pezulluar zbatimin e zotimeve të marra në kuadër të memorandumit të fundit të mirëkuptimit, duke akuzuar Shtetet e Bashkuara se kanë shkelur marrëveshjen.
Në një deklaratë të publikuar nga agjencia gjysmëzyrtare iraniane Fars, Gharibabadi tha se SHBA-ja ka pezulluar të gjitha detyrimet e saj që buronin nga memorandumi i Islamabadit. “Edhe ne kemi pezulluar zotimet tona, nuk po i zbatojmë ato dhe jemi të angazhuar në mbrojtjen e vendit”, deklaroi ai, transmeton Anadolu.
Ky zhvillim vjen në një kohë kur tensionet në Lindjen e Mesme janë përshkallëzuar, ndërsa Shtetet e Bashkuara dhe Irani vazhdojnë shkëmbimin e sulmeve. Memorandumi i mirëkuptimit ishte ndërmjetësuar nga Pakistani dhe ishte nënshkruar në muajin qershor, me synimin për t’i dhënë fund konfliktit dhe për të hapur rrugën drejt një marrëveshjeje të qëndrueshme paqeje.
Sinjali – aty ku e vërteta flet para lajmit!