Kryetari i Partisë Demokratike të Kosovës (PDK), Bedri Hamza, ka zhvilluar më një takim me deputetët e zgjedhur të kësaj partie, ku u diskutua për domosdoshmërinë e krijimit sa më të shpejtë të institucioneve të reja. Mes tjerash u tha se procesi i konstituimit të Kuvendit dhe formimit të institucioneve duhet të përmbyllet pa vonesa të mëtejshme.
Sepse, sipas njoftimit të PDK-së, vazhdimi i bllokadës institucionale nga ana e partisë në pushtet pas një periudhe të gjatë pasigurie politike dhe zgjedhjesh të njëpasnjëshme, vetëm sa e thellon krizën, pengon zhvillimin ekonomik dhe dëmton interesin e qytetarëve dhe të shtetit.
“Deputetët e zgjedhur të PDK-së ritheksuan se Kosovës i duhen institucione të afta për t’u përballur me sfidat me të cilat përballet vendi, duke u fokusuar në prioritetet e qytetarëve: zhvillimin ekonomik, mirëqenien sociale, forcimin e shtetit dhe përmirësimin e cilësisë së jetës”- thuhet në komunikatë.
Ata potencojnë se Kosova ka nevojë urgjente për stabilitet politik, institucione funksionale dhe vendimmarrje që u përgjigjet pritjeve të qytetarëve dhe jo për zvarritje të proceseve që dëmtojnë interesin publik dhe të ardhmen e vendit.
Takimi Kurti- Hamza Të premten, më , kryetari i Partisë Demokratike të Kosovës, Bedri Hamza, pas takimit me kryetarin e Lëvizjes Vetëvendosje, Albin Kurti, ka thënë se qëndrimi i PDK-së është që kjo parti ta ketë rolin e vet konstruktiv si parti opozitare brenda Kuvendit.
Hamza ka thënë se në Kuvend përveç PDK-së janë edhe 98 deputetë të tjerë dhe mund të kompletohen të gjitha institucionet. Kreu i PDK-së ka shtuar se LVV-së i takon të gjejë partnerët. Kryeministri në detyrë dhe kryetari i Lëvizjes Vetëvendosje, Albin Kurti, para takimit me kryetarin e Partisë Demorkatike të Kosovës, Bedri Hamza, kishte thënë se pret që takimi të jetë konstruktiv.