Aletiko Madrid ka njoftuar se do të bej një ankesë në FIFA kundër Barcelonës. Arsyeja e kësaj ankese është futbollisti Julian Alvarez, i cili dje deklaroi se dëshiron të përmbush endrrën e tij dhe të luaj te skuadra katalanase.
Sipas Drejtorit Ekzekutiv të Atletikos, Gil Marin, Barcelona ka negociar me futbollistin pa dijeninë e tyre dhe duke pasur një kontratë me klubin madrilen, dhe se do të mbrojnë interesat e tyre.
“Përgjegjësia jonë është të mbrojmë interesat e Atlético dhe për këtë arsye do të paraqesim një ankesë në FIFA kundër Barcelonës për negociata me një lojtar nën një kontratë aktive gjatë periudhës së mbrojtur”, ka deklaruar Gil Marin. Ndërsa kujtojmë edhe deklaratën e Alverez, i cili tha se për vendimin e tij ka folur edhe me drejtuesit e Atletikos.
“Nuk është koha për të folur për këtë, por as nuk mund të fshihem. Mundohem të jem një person i ndershëm. Fola me njerëz te Atlético Madrid dhe mendoj se gjëja më e mirë për të gjithë është një transferim. Dua ta përmbush ëndrrën time”, ka thë sulmuesi argjentinas.