Presidenti amerikan Donald Trump është kujdesur që në urimin dërguar homologut të tij nga Mali i Zi, Jakov Milatov, me rastin e 13 Korrikut, Ditës së Shtetësisë së këtij vendi, të fusë edhe “dëshira” për bashkëpunim ekonomik. Shefi i Shtëpisë së bardhë ka thënë se Shtetet e Bashkuara janë të gatshme të bashkëpunojnë me Malin e Zi në shumë projekte të kësaj fushe.
“Sektori privat i Shteteve të Bashkuara, nxitësi më dinamik në botë i investimeve, rritjes dhe inovacionit, është në pozitë ideale që me Malin e Zi të bashkëpunojë në projekte në fushat e infrastrukturës, energjisë, sigurisë dhe teknologjisë” , ka deklaruar presidenti amerikan Donald Trump, mes tjerash, në urimin drejtuar presidentit malazez,Milatoviq, me rastin e 13 Korrikut – Ditës së Shtetësisë së Malit të Zi.
Presidenti amerikan shtoi se pret që partneriteti mes dy vendeve të zgjerohet në vitet e ardhshme, duke veçuar rëndësinë e marrëveshjes së fundit ndërqeveritare. Në urimin e tij, Trump theksoi se Dita e Shtetësisë është një mundësi për të shënuar miqësinë e qëndrueshme mes SHBA-së dhe Malit të Zi, të ndërtuar, sic tha, gjatë më shumë se 120 vjetëve të marrëdhënieve diplomatike.
“Kjo është një lidhje që është forcuar edhe më tej që kur Mali i Zi, pak më shumë se dy dekada më parë, rivendosi pavarësinë e tij ”, raportin Vijesti. Trump vlerësoi gjithashtu aleancën mes dy vendeve në ruajtjen e sigurisë rajonale dhe mbrojtjen e vlerave të përbashkëta demokratike.
“Jemi krenarë që qëndrojmë përkrah Malit të Zi, aleatit tonë”, tha Trump, duke u uruar qytetarëve të Malit të Zi dhe Shteteve të Bashkuara paqe dhe prosperitet të qëndrueshëm.