Një anije mallrash ka raportuar se është sulmuar të dielën në Detin e Kuq, njoftoi Qendra Britanike për Operacionet Tregtare Detare (UKMTO). Sipas autoriteteve britanike, anija dërgoi një sinjal emergjence, duke bërë të ditur se ishte sulmuar nga “sulmues të armatosur të panjohur” pranë brigjeve të qytetit Al-Hudajdah në Jemen, një prej porteve kryesore të vendit.
UKMTO bëri të ditur se autoritetet kanë nisur hetimet për incidentin dhe u bëri thirrje anijeve që lundrojnë në zonë të tregojnë kujdes të shtuar. “Anijet këshillohen të lundrojnë me kujdes dhe të raportojnë çdo aktivitet të dyshimtë te UKMTO”, thuhet në njoftimin e agjencisë. Deri më tani, asnjë grup nuk e ka marrë përgjegjësinë për sulmin, raporton Euronews, transmeton Sinjali.
Rebelët Huthi, të cilët kontrollojnë pjesë të mëdha të bregdetit të Detit të Kuq në Jemen, nisën sulmet ndaj anijeve tregtare në rajon në vitin 2023, megjithëse më vonë i pezulluan ato. United States Department of State i ka shpallur Huthit organizatë terroriste. Sinjali – aty ku e vërteta flet para lajmit!