Federata Angleze e Futbollit (FA) po shqyrton seriozisht mundësinë e një apeli zyrtar për të anuluar kartonin e kuq të marrë nga mbrojtësi Jarell Quansah në ndeshjen e tensionuar kundër Meksikës. Vendimet e marra nga arbitrat kanë ndezur gjakrat në kampin anglez, duke sjellë reagime zinxhir në të gjitha nivelet.
Tuchel shpërthen ndaj arbitrave: “Jam i tërbuar!” Trajneri i Anglisë, Thomas Tuchel, nuk i ka kursyer kritikat e ashpra dhe ka shpërthyer në akuza ndaj zyrtarëve të ndeshjes menjëherë pas fishkëllimës finale.
Tekniku gjerman u shpreh tejet i tërbuar me vendimet e trupës së arbitrave, duke shënjestruar drejtpërdrejt sistemin VAR për dy momente kyçe që përcaktuan fatin e lojës: përjashtimin e Quansah me karton të kuq dhe akordimin e një penalltie mjaft të dyshimtë në favor të Meksikës. Sipas Tuchel, të dyja këto vendime ishin të rrepta dhe të gabuara.
Politika në skenë: Laburistët letër zyrtare Gianni Infantinos Çështja tashmë ka kaluar kufijtë e sportit dhe ka marrë përmasa të papritura politike. Partia Laburiste britanike ka ndërhyrë drejtpërdrejt në këtë histori. Përmes anëtarit të saj, Noah Law, partia në pushtet i ka dërguar një letër zyrtare Presidentit të FIFA-s, Gianni Infantino.
Në këtë letër, Law i kërkon zyrtarisht kreut të futbollit botëror të pezullojë sanksionin ndaj Jarell Quansah, në mënyrë që mbrojtësi të jetë i disponueshëm dhe të mund të luajë në sfidën e radhës mjaft të rëndësishme kundër Norvegjisë. Ndërsa FA po përgatit rrugën ligjore të apelimit, presioni politik mbi FIFA-n sapo ka arritur kulmin.