Zyra e Prokurorit Federal të Gjermanisë akuzoi sot autoritetet ukrainase se kanë urdhëruar sabotimin e tubacioneve të gazit Nord Stream në vitin 2022 që lidhin Rusinë me Evropën, menjëherë pas pushtimit rus të Ukrainës.
Në një deklaratë që detajonte akuzat e ngritura kundër të dyshuarit Serhii K. të mërkurën, prokurorët thanë se ai dhe gjashtë bashkëpunëtorë kishin vepruar “me urdhër të autoriteteve shtetërore në Ukrainë”. Sipas prokurorëve, Serhii K ishte “oficer në ushtrinë ukrainase” në kohën e operacionit, dhe bashkëpunëtorët e tij ishin gjithashtu “personel ushtarak”.
Ata thanë se plani ishte të “shkatërroheshin tubacionet Nord Stream 1 dhe Nord Stream 2” me qëllim “ndërprerjen e përhershme të furnizimeve me gaz nëpërmjet tubacioneve dhe parandalimin e Rusisë nga përdorimi i të ardhurave nga tregtia e gazit natyror për të financuar përpjekjet e saj të luftës”.
Gjermania është një nga mbështetëset më të mëdha ushtarake të Ukrainës në betejën e saj kundër pushtimit të vazhdueshëm rus , duke e bërë incidentin potencialisht të sikletshëm nga ana diplomatike.