Çerekfinalja e 11 korrikut mes Anglisë dhe Norvegjisë ka përfshirë edhe qeveritë e të dy vendeve. Kryeministri britanik Keir Starmer dhe homologu i tij norvegjez, Jonas Gahr Store kishin hequr kostumet zyrtare në takimin e zhvilluar në Ankara dhe u shfaqën para mediave me fanellat e ekipeve të tyre. Të dy krerët e qeverive nuk i kursyen batutat me shembujt e marrë nga e shkuara.
“Epo, më lejoni t’ju kujtoj se 45 vjet më parë, zoti Kryeministër, Norvegjia u përball me Anglinë. Ne fituam dhe komentatorët e radios thanë: Margaret Thatcher, a po na dëgjon? Djemtë tuaj pësuan një humbje të rëndë”, tha kreministri i Norvegjisë, Store. “Po, por po harron një gjë. Anglia e ka fituar Kupën e Botës vetëm kur në pushtet kanë qenë laburistët. Kështu ndodhi në vitin 1966.
Prandaj tani na takon neve ”, tha kryeministri i Britanisë së Madhe, Starmer. “Prit se do ta shohësh. Do të jetë një ndeshje fantastike”, tha Store. “Gëzohem që të shoh”, t ha Starmer. Për të ardhur në çerekfinale Anglia eliminoi një nga vendet organizatore Meksikën, ndërsa Norvegjia një kandidat për trofeun si Brazili.