Sulmuesi veteran belg Romelu Lukaku ka thënë se skuadra e tij e respekton shumë Spanjën si kundërshtar, por beson se ka elemente te loja belge që mund t’i shkaktojnë probleme kampiones evropiane. Belgjika dhe Spanja do të përballen të premten në një nga sfidat më interesante të çerekfinaleve të Kupës së Botës.
“Nëse arrin deri në këtë fazë, nuk luan vetëm për të shkuar në shtëpi” , ka thënë Lukaku. “Spanja është një ekip i shkëlqyer. Ata kërkojnë lojtarin e tretë në aksione, kanë shpejtësi në krahë dhe krijojnë hapësira në thellësi. Por ne jemi të përgatitur dhe kemi cilësi që mund t’ua vështirësojnë jetën” , ka shtuar ai.
Tridhjetë e tre vjeçari ka bërë të ditur se roli i tij në këtë Botëror është përcaktuar pas një bisede të gjatë me trajnerin Rudi Garcia në muajin prill. Sulmuesi i Belgjikës ka theksuar se objektivi i tij kryesor nuk janë arritjet personale, por suksesi i skuadrës. “Nuk bëhet fjalë për mua. Është për ekipin. Mundohem të ndihmoj në fushë dhe jashtë saj.
Në këtë fazë të karrierës duhet të luash edhe me mendje ”, ka deklaruar Lukaku. Belgjika ka qenë një prej skuadrave më efikase në këtë Botëror: ka realizuar trembëdhjetë gola dhe gjendet pas Francës me gjashtëmbëdhjetë dhe Argjentinës me katërmbëdhjet gola.