Liverpooli e ka vendosur Bradley Barcola si objektivin kryesor për repartin ofensiv gjatë afatit kalimtar të kësaj vere. Sulmuesi anësor i Paris Saint-Germain shihet si alternativa ideale për të forcuar vijën e sulmit të skuadrës nga Anfield.
Megjithatë, PSG është e gatshme të shqyrtojë largimin e reprezentuesit francez vetëm në rast se në tavolinë vendoset një ofertë shumë e lartë financiare.
Sipas gazetarit të njohur Fabrizio Romano, Liverpool e konsideron Barcolan prioritetin kryesor për sulmin, por negociatat pritet të jenë të vështira pasi klubi parisien nuk ka ndërmend ta lërë të largohet lehtësisht një nga talentet e tij më premtues.
Burimi:
Bota Sot