Specialistët për Hetimin e Krimeve në Komisariatin e Policisë Shkodër kanë ndërhyrë pas një konflikti me armë zjarri të ndodhur në qytet, duke vënë në pranga dy persona dhe duke shpallur në kërkim një tjetër. Ngjarja, e cila dyshohet se ka ndodhur për motive të dobëta, ka sjellë edhe sekuestrimin e një arsenali armësh dhe lëndësh plasëse.
Sipas Policisë, në vijim të veprimeve hetimore dhe procedurale për zbardhjen e rrethanave të konfliktit të regjistruar mbrëmjen e datës në lagjen “Tre Heronjtë”, janë arrestuar shtetasit N. L., 63 vjeç dhe A. F., 27 vjeç, të dy banues në Shkodër.
Nga hetimet paraprake dyshohet se dy fqinjët janë konfliktuar për motive të dobëta dhe kanë qëlluar me armë zjarri ndaj njëri-tjetrit, me qëllim kanosjen. Si pasojë e të shtënave janë dëmtuar porta e një banese dhe një automjet i parkuar në oborr.
Njoftimi i Policise Shkodër U konfliktuan për motive të dobëta dhe qëlluan me armë zjarri, për të kanosur njëri-tjetrin, vihen në pranga 2 shtetas. Shpallet në kërkim 1 shtetas, për moskallëzim krimi. Sekuestrohen 1 armë zjarri kallashnikov e dyshuar e përdorur gjatë konfliktit, municion luftarak dhe 4 kallëpe lënde të dyshuar plasëse tritol.
Specialistët për Hetimin e Krimeve të Komisariatit të Policisë Shkodër, në vijim të veprimeve hetimore dhe procedurale të kryera për zbardhjen e rrethanave të konfliktit të ndodhur mbrëmjen e datës , në lagjen “Tre Heronjtë”, arrestuan shtetasit: -N. L., 63 vjeç dhe A. F., 27 vjeç, të dy banues në lagjen “Tre Heronjtë”, Shkodër. Nga hetimet dyshohet se shtetasit A. F. dhe N.
L. (fqinj) janë konfliktuar për motive të dobëta dhe kanë qëlluar me armë zjarri, për të kanosur njëri-tjetrin. Si pasojë e të shtënave janë dëmtuar porta e oborrit të banesës së shtetasit N. L. dhe një automjet i parkuar në oborr. Gjatë kontrollit në banesën e shtetasit N.
L., shërbimet e Policisë gjetën 1 armë zjarri kallashnikov, e dyshuar e përdorur gjatë konfliktit, ndërsa gjatë kontrollit në banesën e shtetasit A. F., gjetën municion luftarak dhe 4 kallëpe lënde të dyshuar plasëse tritol. Në vijim të veprimeve procedurale, u shpall në kërkim shtetasi A.
F., 26 vjeç, banues në Shkodër, pasi dyshohet se ka qenë i pranishëm gjatë konfliktit, por nuk ka kallëzuar. Vijon puna për kapjen e tij dhe për dokumentimin e plotë ligjor të rrethanave të rastit. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.